Saturday, 27 April 2019

தேசியம் காட்டும் கோரமுகங்கள்



மார்டின் பட்லர்

(போர்ச்சுகீசிய நாட்டில் வசிக்கும் மார்டின் பட்லர், சென்ற நூற்றாண்டைச் சேர்ந்த ரஷ்ய மெய்ஞானியான குர்ட்ஜிப் அவர்களின் நேரடி மாணவியான ரீனா ஹேண்ட்சின் உதவியுடன் ஆன்மப் பயிற்சிகளில் பல்லாண்டு காலம் ஈடுபட்டவர். மனித நிலைமைகள் பற்றிய ஆழமான புரிதலுக்கு இவர் வருவதற்கு ஸ்பினோஷா போன்ற தத்துவவாதிகளையும் முறையாகக் கற்றிருக்கிறார். martinbutler.eu  என்ற இணையத்தளத்தில் கட்டுரைகளையும் வீடியோக்களையும் தொடர்ந்து இட்டுவருகிறார். என் காலத்தையும் என்னைச் சுற்றியுள்ள நிலைமைகளையும் புரிந்துகொள்வதற்கும் இந்தச் சூழ்நிலைகளுக்குள் எனது விழைவுகள், ஆசைகள், வலிகள் ஆகியவற்றைக் குறைத்துக் கொள்வதற்கும், எனக்கு வழங்கப்பட்டுள்ள வளங்களினூடாக நிறைவாகவும் நீதியாகவும் இருப்பதற்கும் மார்டின் பட்லரின் எழுத்துகள் உதவிகரமாக இருக்கின்றன. அவரது எழுத்துகள் உரிமைத்துறப்பை அறிவித்திருப்பதால் எனக்குப் பிடித்தவற்றை இங்கே மொழிபெயர்த்து வெளியிடுகிறேன். இங்கே தொடர்ந்து அது வெளியாகும். தன்னில் மட்டுமே வேலை சாத்தியம் என்று நம்புபவர்கள் அவரது எழுத்துகளைத் தொடர்ந்து வாசிக்கலாம். மார்டின் பட்லர் என்னிடம் ஏற்படுத்திய பயன்விளைவை இன்னும் சில வாசகர்களும் அடையலாம் என்ற நம்பிக்கையில் இந்தக் கட்டுரைகளை மொழிபெயர்க்கிறேன்.)


மந்தையில் ஆதிக்கம் செலுத்துவற்கும், உயிர்த்திருக்கும் வாய்ப்புகளை அதிகப்படுத்துவதற்கும், குழந்தைகளுக்கு அதிகாரத்தைப் பரிமாறுவதற்கும்,தன்னுணர்வு கொண்ட எல்லா உயிர்களும் அதிகாரத்துக்கும் ஆற்றலுக்கும் ஏங்குகின்றன. இந்நிலையில் ஆற்றல் மழுங்கடிக்கப்படும்போது மக்கள் அபாயகரமானவர்களாக மாறுகின்றனர். மக்களைப் பாதிக்கும் பொருளாதார ரீதியான துயரம் பிறப்பித்த ஒருவர்தான் ஹிட்லர் என்பதை, முதல் உலகப்போர் முடிந்து ஒரு தசாப்தத்துக்குப் பின்னரான ஜெர்மனியைப் பார்த்துதான் நான் மேற்சொன்ன கூற்றைப் பரிசீலிக்க முடியும்.

ஜெர்மனி அனைத்து நிலைகளிலும் குதறப்பட்டுக் கொண்டிருந்த நிலையில் ஹிட்லர் பரிபூர்ணத் தீர்வுடன் வந்தார். பிற இன, மதக் குழுக்கள் தான் அத்தனைப் பிரச்சினைகளுக்கும் அடிப்படையென்று குற்றம்சாட்டினார். அது வேலை செய்தது. அது எப்போதுமே வேலை செய்யக்கூடியதும் கூட. பொது மக்கள் திரள் எவ்வளவோ சாந்தம் கொண்டதாக இருந்தாலும், ஆற்றல் மழுங்கடிப்பட்டவர்களாக அவர்கள் தங்களை உணரும் பட்சத்தில், பிறரின் மீது குற்றம் சுமத்துபவரை ஆதரிக்கவே செய்யும். அதன் பின்விளைவாக வதைமுகாம்கள் உருவாகவே செய்யும். தங்களை வெல்ல முடியாதவர்கள் என்று பொதுமக்களை உணரவைத்து, தேர்ந்தெடுக்கப்பட்ட சிறுபான்மையினரை ஒட்டுமொத்த ஒதுக்குதலுக்கு உள்ளாக்க வைப்பதிலும் பொது உணர்வுகளை மதியூகத்துடன் கையாள்வதிலும் ஹிட்லர் நிபுணர்.

கிட்டத்தட்ட ஒரு நூற்றாண்டுக்குப் பிறகு, அதே விசைகள் தொழில்படுவதைப் பார்க்கிறோம். தேசியவாதம் எழுந்துகொண்டிருக்கும் போதே, கோடிக்கணக்கான மக்களின் வளமும் கௌரவமும் மங்கிக்கொண்டிருக்கிறது. திரும்பத் திரும்பச் சொல்ல வேண்டியதில்லை; செல்வமும் அதிகாரமும் மிகச் சில மக்களிடம் குவிந்துகொண்டிருக்கும் நிலையில் வெகுமக்கள் திரள் தங்களை ஏதுமற்றவர்களாக உணர்கிறார்கள்.

மக்களின் நாதியற்ற இந்த உணர்வுநிலை, செல்வம், புகழ், அதிகாரபலம் கொண்ட பிரபலங்களின் வாழ்வைப் பார்த்து மேலும் தூண்டப்படுகிறது. பெரும்பான்மை மக்கள் எதை விரும்புகிறார்களோ அதைத்தான் ஒரு பிரபலம் வெளிக்காட்டுகிறார். அந்தச் சூழ்நிலையில் அதை அடையும் வசதிகள் இல்லாத மக்களிடம் அது நிராசையை உருவாக்குகிறது. ஆனால், அந்த நிராசையும் கோபமும் பிரபலத்தின் மீது பாயாமல், அவர்களது சீரழிவுக்குக் காரணகர்த்தாக்களாக ஆட்சியதிகாரம் செலுத்துபவர்களால் கைகாட்டப்படுபவர்கள் மீது பாய்கிறது. இப்படித்தான் அகதிகள், வேலையில்லாதவர்கள், நோயாளிகள், மத, இனச் சிறுபான்மையினர் பொதுமக்களுக்கு எதிரிகளாக ஆக்கப்படுகின்றனர்.

நீண்டகாலமாகப் பின்னடைவில் இருந்துவந்த தேசமான இங்கிலாந்தில் இது பட்டவர்த்தனமாகியுள்ளது. 1900-வது ஆண்டில் ஒரு பவுண்ட் ஸ்டெர்லிங்கை ஐந்து டாலர்களுக்குப் பரிமாற்ற முடியும். இன்றைக்குப் பரிமாற்ற நிலைமையோ மிகவும் மோசம். தொழில்துறை உற்பத்தியிலும், உள்கட்டுமானத்தை சுயமாக உருவாக்கும் வழிவகைகளிலும் 11-வது இடத்தில் தற்போது உள்ளது. அணு ஆற்றல் உற்பத்தி நிலையங்கள், தொலைத்தொடர்பு உட்கட்டுமானம் ஆகியவற்றுக்கு வெளிநாடுகளைத் தான் நம்பவேண்டியிருக்கிறது. சுருக்கமாகக் கூறப்போனால், வலதுசாரி ஊடகங்களின் 30 ஆண்டுகாலப் பிரசாரத்துக்குப் பின்னர் இங்கிலாந்து மக்கள் தங்கள் அதிகாரத்தை உறுதிசெய்வதற்கு, அந்நாடு ஐரோப்பிய யூனியனிலிருந்து விலகத் தீர்மானித்தது. ஐரோப்பிய நாடுகள் ஒன்றுக்கொன்று போரிடத் துணிந்த நிலையில் தான் வின்ஸ்டன் சர்ச்சிலால் முன்னெடுக்கப்பட்டு ஐரோப்பா ஒன்றிணைக்கப்பட்டதை நினைவில் கொள்ள வேண்டும்.

இங்கிலாந்து சந்திக்கும் சூழ்நிலையைத்தான் அமெரிக்காவும் அனுபவித்துக் கொண்டிருக்கிறது. சீனா, இந்தியா, இந்தோனேசியா மற்றும் பிற நாடுகள் மேம்பட்ட தொழில்நுட்பத்தை அடிப்படையாகக் கொண்டு வல்லரசாக உயர்ந்து கொண்டிருக்கின்றன. தொழில்நுட்ப புதுமைநாடல் மட்டுமே செல்வத்தை உற்பத்தி செய்ய முடியும் என்பதை நினைவுகூர்க. ஒரு தேசம் தனது பொறியாளர்களுக்கும் அறிவியலாளர்களுக்கும் நிறைய ஊதியமும் அங்கீகாரமும் அளிக்காவிட்டால் சீரழிவு என்பது தவிர்க்க முடியாதது.

இதெல்லாம் சேர்ந்து தேசியவாதமும் மீண்டும் தனது கோர முகத்தை வெளிக்காட்டிக் கொண்டிருக்கும் நிலையில் உலகம் மேலும் மேலும் நிலையற்றதாக மாறிக் கொண்டிருக்கிறது. வெகுமக்கள் ஆற்றலற்றவர்களாக மாறியிருப்பதற்கான உண்மையான காரணம் துலக்கப்படவேயில்லை. மிகச் சில நபர்களால் சுரண்டப்பட்டு கையாளப்படுவதால் ஏற்பட்டிருக்கும் நிலை அது. அதற்கு மாறாக உலகில் வாழும் எண்ணற்ற சிறுபான்மையினர் இந்தச் சுமையைச் சுமக்க வேண்டியிருக்கிறது. இந்தச் சக்கரம் சுற்றித் திரும்ப அதே இடத்துக்கு வந்து நிற்கிறது. தேசியவாதக் கூச்சல் மற்றும் வெறியில் எல்லாம் மறந்துபோகிறது.

Friday, 26 April 2019

அனுபவம் அனுபவிப்பது அனுபவிப்பவர்


ஜே. கிருஷ்ணமூர்த்தி
அந்தப் பள்ளத்தாக்கு நிழலில் இருந்தது; அஸ்தமிக்கும் சூரியனின் ஒளிரேகைகள் தூரத்து மலைகளின் உச்சியைத் தீண்டின; மலைகளைப் பூசியிருக்கும் சாயங்காலத்தின் மினுமினுப்பு அவற்றின் உள்ளிருந்து வருவதுபோலத் தோற்றம் தருகிறது. நீண்ட சாலையின் வடக்கில், மலைகள் தீக்குள்ளாகி மொட்டைத் தரிசாய்க் காட்சிதருகின்றன; தெற்கிலிருக்கும் மலைகளோ பசுமையாகவும் புதர்கள், மரங்கள் அடர்ந்தும் உள்ளனநெடிதாகப் போகும் சாலை, பிரமாண்டமும் எழிலும் கொண்ட இந்தப் பள்ளத்தாக்கை இரண்டாகப் பிரிக்கிறது. குறிப்பாக, இந்த மாலையில் மலைகள் மிகவும் நெருக்கமாக, மாயத்தன்மையுடன், இலேசாகவும் மிருதுத்தன்மையுடனும் தெரிகின்றன். பெரிய பறவைகள் உயர சொர்க்கங்களில் சாவதானமாகச் சுற்றிக் கொண்டிருக்கின்றன. தரையில் அணில்கள் மந்தமாக சாலையைக் கடக்கின்றன. அத்துடன் எங்கோ தூரத்தில் விமானத்தின் ரீங்காரம் கேட்கிறது. சாலையின் இரண்டு பக்கங்களும் ஆரஞ்சு தோட்டங்கள், சீரான ஒழுங்கில் வரிசையாக உள்ளன. உஷ்ணமான ஒரு நாளென்பதால் பர்ப்பிள் சேஜ் மலர்களிலிருந்து வரும் வீச்சம் கடுமையாக உள்ளது. அத்துடன் சூரியனால் சுடப்பட்ட பூமி மற்றும் புல்லின் நெடியும் சேர்ந்தடிக்கிறது. ஆரஞ்சு மரங்கள் பளபளக்கும் பழங்களுடன் கருமையாக நிற்கின்றன. குயில் அழைத்துக் கொண்டிருந்தது. ரோட் ரன்னர் (அமெரிக்கக் கண்டத்தில் சாலையில் ஓடும் பறவை) புதர்களுக்குள் ஓடி மறைகிறது. நீளமான அரணை ஒன்று நாயால் தொந்தரவுக்குள்ளாகி உலர்ந்த களைச்செடிக்குள் சரசரவென்று போய் மறைகிறது. சாயங்கால நிச்சலனம் நிலத்தின் மேல் ஊர்ந்து படர்கிறது.
அனுபவம் என்பது ஒன்று. அனுபவிப்பது என்பது இன்னொன்று. அனுபவிக்கும் நிலைக்குத் தடையாக இருப்பது அனுபவமாகும். ரம்மியமானதோ அசிங்கமானதோ எதுவாக இருந்தாலும் அனுபவம் என்பது அனுபவிப்பதின் மலர்ச்சியைத் தடுக்கிறது. அனுபவம் இறந்த காலத்தில் ஏற்கெனவே இருப்பதால் காலத்தின் வலைக்குள் சிக்கிக்கொண்டு விடுவதால், நினைவாக மாறிவிடுவதால் நிகழுக்கு எதிர்வினையாகவே வாழ்க்கைக்குள் வருகிறது.
வாழ்க்கை நிகழில் இருப்பதால் அது அனுபவமாகாது. அனுபவத்தின் கனமும் வலுவும் நிகழின் மேல் நிழலைப் படர்த்திவிடுவதால், அனுபவிப்பதென்பது அனுபவமாகி விடுகிறது. மனம் தான் அனுபவம், மனம் தான் அறிந்தது என்பதால் மனத்தால் அனுபவிக்கும் நிலையில் எப்போதும் இருக்க முடியாது. அதனால் தான் அது அனுபவிக்கும் எல்லாவற்றையும் அனுபவத்தின் தொடர்ச்சியாக உணர்கிறது.
தொடர்ச்சியை மட்டுமே மனம் அறியுமென்பதோடு, அந்தத் தொடர்ச்சி இருக்கும்வரை அதனால் புதிய ஒன்றை ஏற்றுக்கொள்ளவே முடியாது. எது தொடர்ச்சியாக உணரப்படுகிறதோ அங்கே அனுபவிப்பதின் நிலை இருக்கவே சாத்தியமில்லை. ஒன்றைச் சரியாக அனுபவிக்க வேண்டுமெனில் ஏற்கெனவேயான அனுபவத்தின் ஞாபகம் துடைத்தழிக்கப்பட வேண்டும். மனத்தால் தனது சுயத்தின் காட்சியை, தனக்குத் தெரிந்ததை மட்டுமே காணவும் உணரவும் முடியும். எண்ணம் என்பதும் அனுபவத்தின் வெளிப்பாடுதான்.
எண்ணம் என்பது தலையீடு செய்துகொண்டேயிருக்கும்வரை, அனுபவிப்பதென்பது இருக்காது. அனுபவம் நம்மைத் தொடர்வதை முடிவுக்குக் கொண்டுவருவதற்கு வேறு வழிமுறைகளோ முறைகளோ கிடையாது. வழிமுறையைத் தேடுவதென்பதே அனுபவிப்பதற்குத் தடங்கல் தான். முடிவை அறிவது என்பது தொடர்ச்சியை அறிவதுதான். முடிவுக்கான வழி தெரியுமென்றால் அறிந்ததைத் தொடர்ந்து தக்கவைத்திருப்பதற்கான வழியும்தான். முதலில் அடைவதற்கான ஆசை வெளிர வேண்டும்.
அனுபவிப்பதற்கு, அடக்கம் அவசியமானது. ஆனால் மனமோ அனுபவிப்பதை அனுபவமாக்கக் குதியாட்டம் போடவே செய்யும். புதியதைப் பற்றி எண்ணமிட்டு அதைப் பழையதாக்குவதற்குப் பாயும். அந்த நிலையில், அனுபவிப்பவர் அனுபவிப்பதை இரண்டாக்கி பேதத்துக்கு வழிவகுத்து விடுகிறது.
அனுபவிக்கும் நிலையில் அனுபவிப்பவர், அனுபவிப்பது இரண்டும் வேறு வேறல்ல. மரம், நாய், மாலை நட்சத்திரம் ஆகியவையெல்லாம் அனுபவிப்பவரால் அனுபவிக்கப்பட வேண்டியவை அல்ல; அனுபவிக்கும் தருணமும் அவையும் வேறு வேறல்ல. அங்கே அனுபவிப்பவர், அனுபவிப்பது இரண்டுக்கும் இடைவெளி இல்லை; அங்கே காலம் இல்லை, எண்ணமிட்டு அதனோடு தன்னை அடையாளம் காண்பதற்கான இடம்சார்ந்த இடைவெளியும் அங்கே இல்லை. எண்ணம் முழுமையாக அற்றுப்போகிறது, ஆனால் அங்கே உயிர்த்தல் இருக்கிறது. இந்த உயிர்த்தல் நிலையின் மீது எண்ணமிடுதலோ தியானமோ செய்ய முடியாது. ஏனெனில் அது அடைவதற்கான பொருளும் அல்ல.
மெய்யான அனுபவித்தலுக்கு அனுபவிப்பவர் அற்றுப் போக வேண்டும். அப்போதுதான் உயிர்த்தல் அங்கே இருக்கும். அதன் அசைவின் மோனமோ அகாலத்தில் நிகழ்கிறது.
(ஜே. கிருஷ்ணமூர்த்தியின் ‘Commentaries On Living’ நூலிலிருந்து)


Friday, 19 April 2019

எரிந்துபோன பாரிஸின் இதயம்



ஈபிள் கோபுரத்துக்கு முன்னரே நூற்றாண்டுகளாக பாரிஸின் சின்னமாக இருந்த நோத்ர தாம் தேவாலயம் கடந்த திங்களன்று எரிந்துபோனதுநோத்ர தாம் என்றால் புனித அன்னை என்று அர்த்தம்உலகமெங்கும் வாழும் கத்தோலிக்கர்களுக்கான புனிதத் தலங்களில் ஒன்றாக விளங்கும் இந்தத் தேவாலயம் வரலாற்றுரீதியாகவும் பண்பாட்டு அளவிலும் கட்டிடக் கலை சார்ந்தும் முக்கியத்துவம் வாய்ந்தது. “நோத்ர தாம் தேவாலயம் பிரெஞ்சு மக்கள் எல்லாருக்குமுரியதுஇதுவரை அங்கே போயிராதவர்களுக்கும்” என்று கூறியிருக்கிறார் அந்நாட்டின் அதிபர் இமானுவேல் மெக்ரான்.

ஆறாம் ஹென்றி முடிசூடியநெப்போலியன் பேரரசனாகப் பதவியேற்ற இடம் இது. 1163-ம் ஆண்டிலிருந்து 1345 வரை கட்டி முடிப்பதற்கு ஒன்றரை நூற்றாண்டை எடுத்துக்கொண்ட தேவாலயம் இது.

விக்டர் ஹ்யூகோவின் நோத்ர தாம்

கத்தோலிக்கர்களின் புனிதத் தலம் என்பதைத் தாண்டி பிரான்ஸ் நாட்டின் அரசியல்சமூகபண்பாட்டுஇலக்கிய வரலாற்றிலும் அந்தத் தேவாலயத்துக்கு இடம் உண்டு. 1793-ல் பிரெஞ்சு புரட்சி நடந்தபோது அந்தத் தேவாலயத்துக்குள் இருந்த சில மதகுருக்களின் தலைவர்கள் சிலைகளை அரசர்களின் சிலை என்று நினைத்து 27 சிலைகளின் தலைகளை பிரெஞ்சு புரட்சியாளர்கள் வெட்டினார்கள்அவை தற்போது இன்னொரு அருங்காட்சியகத்தில் வைக்கப்பட்டுள்ளன. 1944-ல் இரண்டாம் உலகப் போருக்குப் பிறகு பாரிஸ் நகரம் விடுவிக்கப்பட்டபோது இந்தத் தேவாலயத்துக்குள்தான் பெரும் கொண்டாட்டமொன்று நடந்ததுவிக்டர் ஹ்யூகோ 1831-ல் இந்தத் தேவாலயத்தை மையமாகக் கொண்டு கூனமுதுகு கொண்ட க்வாசி மோதோ கதாபாத்திரத்தைப் படைத்திருப்பார்நிறைவேறாத காதல்தியாகத்தின் உருவம் அவன்விகாரமான உருவத்துக்குள் துணிச்சலான இதயம் ஒன்று குடியிருக்க முடியும் என்பதுதான் விக்டர் ஹ்யூகோ எழுதிய ‘நோத்ர தாமின் கூனன்’ நாவலின் செய்தி” என்கிறார் பிரெஞ்சு சமூகத்தோடு தொடர்புடைய எழுத்தாளரும் மொழிபெயர்ப்பாளருமான வெ.ஸ்ரீராம்.

எழுத்தாளர் சுந்தர ராமசாமிபாரிஸுக்குச் சென்ற அனுபவத்தை ‘பிக்காஸோவின் ஆடு’ என்ற பெயரில் கட்டுரையாக எழுதியுள்ளார்ஒரு சிறந்த சிறுகதையைப் படிப்பது போன்ற அனுபவத்தைத் தரும்நோத்ர தாம் தேவாலயத்தின் கலை நுணுக்கங்களின் பிரமாண்டத்தைப் பார்த்துஒரு எழுத்துக் கலைஞனாக இருப்பதற்கு வெட்கப்பட்டிருப்பார் சுந்தர ராமசாமிநாத்திகரும் பிரெஞ்சு நவீனத்துவத் தாக்கமும் கொண்டவரான சுந்தர ராமசாமிஅந்தத் தேவாலயத்துக்குள் மண்டியிட்டுக் கண்ணீர்விட்டதை நெகிழ்ச்சியுடன் எழுதியிருப்பார்அவர் வழியாகத்தான் நோத்ர தாம் தேவாலயம் எனது கனவுப் பிராந்தியங்களில் ஒன்றாக மனதுக்குள் நுழைந்தது.எப்போது பாரிஸுக்குப் போகச் சந்தர்ப்பம் வாய்த்தாலும் இந்தத் தேவாலயத்துக்குச் செல்ல வேண்டும் என்று நினைத்திருந்த இடம் அது.

கூர்மாட பாணி (Gothic Architechture) கட்டிடக் கலையின் உச்சம் என்று கொண்டாடப்படுவது நோத்ர தாம் தேவாலயம்பிரமாண்டமான தூண்கள்பொன் வேலைப்பாடு கொண்ட சிலைகள்ஓவியங்கள்,கன்னிமாடங்கள்அடிவளைவுடன் கூடிய உதைக்கட்டுமானங்களைக்(flying buttress) கொண்டதுஇங்கேயுள்ள பல வண்ணங்களில் சூரிய ஒளி ஊடுருவும் கண்ணாடி பதிக்கப்பட்ட ஜன்னல்கள் மிகவும் புகழ்பெற்றவை.கோதிக் நாவல் என்ற வகைமையில் மர்மமும் புதிர் முடிச்சுகளும் கொண்ட எத்தனையோ திகில் கதைகளுக்கும் இந்தத் தேவாலயம் மையமாக இருந்துள்ளது.

பிரான்ஸ்வாசிகளின் ஆன்மா சொல்லும் செய்தி

பாரிஸின் நடுவே சேன் நதி இரண்டு கிளைகளாகப் பிரிந்து உருவாக்கிய தீவில் நோத்ர தாம் உள்ளது.மிகவும் திட்டமிட்டு உருவாக்கப்பட்டுள்ள இந்த நகரத்தின் மையத்தில் பிரெஞ்சு மக்களின் பகுத்தறிவுவயப்பட்ட சிந்தனைக்கு வெளியே அது உயர்ந்து நிற்கிறது.அனைத்துக்கும் மத்தியில் மர்மமும் அறியவொண்ணாத ஒன்றும் இருப்பதை உணர்த்தியபடி அந்தக் கூர்மாடங்கள் பிரமாண்டமாக நின்றுகொண்டிருப்பதாக எழுதுகிறார் பாரிஸைச் சேர்ந்த இதழியளாலர் பமேலா ட்ரக்கர் மேன்.

நோத்ர தாமின் இரண்டு கோபுரங்களும் சிதையாமல் உயிர்ப்புடன் இருப்பதாகத் தகவல்கள் வருகின்றன.இன்னும் ஐந்தாண்டுகளில் மீண்டும் தேவாலயத்தைக் கட்டியெழுப்புவோம் என்று பிரான்ஸ் அதிபர் கூறியுள்ளார்நம்புவோம்.

சேன் நதியில் வந்த வெள்ளம்சமீபத்தில் நடந்த தீவிரவாதத் தாக்குதல்களை அடுத்துபாரிஸின் மீது இன்னொரு இடி விழுந்துள்ளதுஇதை பிரெஞ்சு அதிபர் மெக்ரான்பாரிஸ் குடிமக்கள் உணரும் ‘அக நடுக்கம்’ என்று குறிப்பிடுகிறார்வெறுமையுணர்வையும் காரணம் புரியாத இழப்பின் கையறு நிலையையும் உணர்த்துவதற்கு இதைவிடத் துல்லியமான பிரயோகம் இருக்க முடியாது.

சதையிலிருந்து ஆன்மாவை நோக்கி உயர்ந்து எழத் துடிக்கும் மனித இதயங்களுக்குக் கோபுரங்கள் வெறும் சமய அடையாளங்கள் மட்டும் அல்லஅதனால்தான்மத நம்பிக்கையைப் பெருமளவு கடைப்பிடிக்காத மக்கள் வாழும் பிரான்ஸ் தேசத்தினரைதீப்பற்றி எரிந்த நோத்ர தாம் தேவாலயம் பரிதவிக்க வைத்துள்ளது!



என் நினைவில் நிச்சயமாக
சுந்தர ராமசாமி

நோத்ர தாம் சர்ச்சுக்கு பல தடவைகள் போனேன்.விடுதியில் இறங்கிச் சிறிது தூரம் நடந்ததுமே சர்ச்சின் கோபுரங்கள் தெரிய ஆரம்பிக்கும்அதைக் குறியாக வைத்து சர்ச்சின் முன்பக்கம் போய்ச் சேர்ந்ததும் அதன் முழுமையான தோற்றத்தில் மனம் நெகிழும்முகப்புகள்,வளைவுகள்கண்ணாடி ஜன்னல்கள்கோபுரங்கள்,படிக்கட்டுகள்எங்கு பார்த்தாலும் அழகு வழிந்துகொண்டிருக்கும்விக்டர் ஹ்யூகோவின் ‘நோத்ர தாமின் கூனன்’ நாவலின் பக்கங்கள் மனத்தில் உயிர்கொண்டு எழும்அந்தக் கூனனாக என்னை பாவித்துக்கொண்டு அவன் ஏறிய ஒல்லி மர ஏணியில் ஏறும்போது பொங்கிவரும் உணர்ச்சியை அடக்கிக்கொள்ள முடியாமல் போய்விடும்அங்கிருந்து கீழே பார்த்தால் பலரும் – முக்கியமாகநடுவயதைத் தாண்டிவிட்ட சீமாட்டிகள் – மண்டியிட்டபடி அழுதுகொண்டிருப்பார்கள்.கண்ணீர்விட இதைவிட ஏற்ற சூழ்நிலை எங்கும் கிடைக்கப்போவதில்லைஎனக்கும் அழ அவசியம் இருந்ததுசுத்தமாக அழுதேன்ஒவ்வொரு இடமும் என்னைப் பார்த்து, ‘நீ சொற்கலைஞனா அல்லது சித்திரக் கலைஞனா?’ என்று கேட்டுவிட்டு, ‘சொற்கலைஞன்தான்’ என்று நான் கூறியதும் தனது சரித்திர முகத்திரையை இழுத்துக்கொண்டு அழகின் கண்களையும் மூடிக்கொண்டதாகப் பட்டதுவார்த்தைகள் தங்களை ஆட்கொள்ள வலுவற்றவை என்பதை அவை அறிந்திருந்தனசர்ச்சின் பின்பக்கம் படிக்கட்டில் சாய்ந்திருந்த மரக்கதவில் சாய்ந்தபடி குளிரில் நான் வெகுநேரம் உட்கார்ந்துகொண்டிருப்பேன்முன்பக்கம் புறாக்கள்காதலர்கள் சுற்றி வரபாரிஸின் அழகுகள் அருவியாக வழிந்துகொண்டிருக்கும் தோற்றங்கள்.உள்ளே இருந்து வரும் வாத்திய இசை – அந்த மெட்டுகள் என் உயிர்பிரிவது வரையிலும் என் நினைவில் நிச்சயமாக இருக்கும்.

ஷோபா சக்தியின் இச்சா

துயரம் , இழப்பு , மரணம் , சித்திரவதைகள் , ரத்தக் கோரங்கள் நிகழ்ந்த பிறகு சொல்லப்படுகையில் அவை எத்தனை கொடூரமானதாக இருந்திருந்தாலும் அவை...