Skip to main content

Posts

Showing posts from June, 2024

அப்பா பிடித்த பன்றிக்குட்டி – சார்லஸ் சிமிக்

இரவு விருந்துகளுக்கான கருப்பு கோட்(TUXEDO SUIT) அணிந்து  எனது தந்தை கையிடுக்கில் பன்றிக்குட்டியுடன் போஸ் கொடுத்த புகைப்படம் என்னிடம் உண்டு. அவர் ஒரு மேடை மீது நிற்கிறார். கழுத்தில் அதீத இறக்கத்தில் வெட்டப்பட விருந்து கவுன்களுடன், களுக்கென சிரித்துக் கொண்டிருக்கும் இரண்டு இளம்பெண்களோடு, அவர் அப்படத்தில் நிற்கிறார். அவரும் சிரித்துக்கொண்டிருக்கிறார். பன்றியின் வாயோ திறந்துள்ளது. ஆனால், அது சிரிப்பதுபோலத் தெரியவில்லை.  அது ஒரு புத்தாண்டு விருந்து. 1926-ம் ஆண்டு. நைட் கிளப் ஒன்றில் அவர்கள் இருந்திருக்க வேண்டும். நள்ளிரவில் விளக்குகளை அணைத்தபின்னர் அந்தப் பன்றிக்குட்டி அங்கே ஓடிவந்திருக்க வேண்டும். அங்கு ஏற்பட்ட குளறுபடியில்  கதறல் ஒலி எழுப்பும் பன்றியை எனது அப்பா பிடித்திருக்க வேண்டும். தற்போது அந்தக் குட்டி அவருடையது. பரிசாகரிடம் கேட்டு வாங்கி ஒரு கயிறை அவர்கள் குடித்துக்கொண்டிருந்த மேஜையில் கட்டிவிட்டிருக்கிறார். அவரும் அந்த இளம்பெண்களும் கயிற்றில் கட்டப்பட்ட பன்றியும் அந்த இரவு முழுக்க வெவ்வேறு இடங்களுக்குச் சென்று குடித்துள்ளனர். பன்றிக்குட்டிக்கும் அவர்கள் சாம்பெய்ன் வாங்கிக் கொடுத்தன

கசாப்புக் கடை – சார்லஸ் சிமிக்

தாமதமாக இரவுநடை போகும்போது சிலவேளைகளில் மூடப்பட்ட கசாப்புக்கடையின் முன்னால் வந்து நிற்கிறேன் .   கைதி தனது சுரங்கவழியை தோண்டும்போதுள்ள ஒளியைப் போல் கசாப்புக்கடையில் ஒரே ஒரு விளக்கு எரிந்துகொண்டிருக்கிறது .   அங்கியொன்று கொக்கியில் தொங்கிக்கொண்டிருக்கிறது பெருங்கண்டங்கள் , மகாநதிகள் , சமுத்திரங்களின் ரத்தம் அப்பிய வரைபடம் .   முடமுற்றவர்கள் , அசடுகளைக் குணமூட்டுவதற்காகக் கொண்டுவரும் இருள்மண்டிய ஒரு தேவாலயத்துச் சொரூபங்களைப் போல   கத்திகள் அங்கே மின்னிக்கொண்டிருக்கின்றன . எலும்புகள் நொறுக்கப்படும் மரத்தண்டு அங்கே வீற்றிருக்கிறது படுகை வரை உலர்ந்துவிட்ட நதியென சுத்தமாய் சுரண்டப்பட்ட மேல்புறம் அங்குதான் நான் பசியாற்றப்பட்டேன் அங்கே இரவின் ஆழத்திலிருந்து வரும் ஒரு குரல் எனக்கு கேட்கிறது .  

வசந்தம் - பெய்ஸ் அஹ்மது பெய்ஸ்

  சமீபநாட்களாக போதையின் அழுத்தம் குறைவதைப் போல இரவு வடிந்துகொண்டிருக்கிறது . வண்ணமயமாக   நறுமணத்துடன் மலரும் பூக்களைப் போல பகல் புடைத்தெழுகிறது . மதுக்கோப்பைகள் காலியாகிவிட்டன ! கவனம் கொள்ளுங்கள் வசந்தம் வந்துகொண்டிருக்கிறது ; இதயங்களை வேட்கையால் நிரப்புங்கள் உங்கள் கண்களையும் ஏக்கத்தால் .

இன்றிரவு - பெய்ஸ் அஹ்மது பெய்ஸ்

 ஒரு இரவுவழியாக ஒரு இரவை  நித்தியத்தின் நெடுவெளியில் வாழ்ந்து தீர்த்துவிட்டேன் எனது நேசத்துக்குரியவளின் சாரம் நிரம்பிய ஒரு அமிர்தக் கலசம் போன்றது. இன்றிரவு, இந்தக் கரங்கள்தான் அதை எடுத்துப் பருகின.

மெய்யான ஆண்டவரே - பெய்ஸ் அஹ்மது பெய்ஸ்

மெய்யான ஆண்டவரே நீங்கள் எனக்கு உத்தரவிட்டீர்கள்: “எனது நேசத்துக்குரியவனே, இந்த உலகின் அரசன் நீ எனது வளங்கள் எல்லாம் உனது செல்வங்கள் நீதான் எனது உதவி அதிகாரி மற்றும் வைஸ்ராய்.” இந்த பாவனையில் நீங்கள் என்னை அனுப்பினீர்கள் அதற்குப் பின்னர் எப்போதாவது என்னிடம் கேட்டிருக்கிறீர்களா: “வாழ்க்கையை எப்படித் தாக்குப்பிடிக்கிறாய், என் நேசத்துக்குரியவனே?” எப்போதாவது என்னிடம் விசாரித்திருக்கிறீர்களா, என் தேவனே? இந்த உலகம் உங்கள் வைஸ்ராயை எப்படி நடத்துகிறது? ஒருபுறம் காவலர்களின் அச்சுறுத்தல் இன்னொருபுறம் கங்காணிகளின் மிரட்டல் பொறியில் மாட்டிக்கொண்ட குருவி சிறகடிப்பதைப்போல நடுங்கும் இதயத்தைத் தாங்கியிருக்கிறது எனது எலும்புக்கூடு. என்ன மாதிரியான அரசனை நீங்கள் உருவாக்கியுள்ளீர்கள் தேவனே? ஒரு கணம்கூட சமாதானப்பட இயலாத துயரங்களின் சங்கிலி. என்னைப் படைத்தவனே எந்த அரசபதவியையும் நான் விரும்பவில்லை! சிறுதுளி கௌரவம் எனக்குப் போதும். இந்த மாளிகைகளும் மாடகூடங்களும் எனது தேர்வுமல்ல. வாழ்க்கை என்னும் நெசவுத்துணியில் ஒரு மூலையைக் கேட்கிறேன். படைத்தவனே நீ எனக்

மிக நெருக்கமாக - பெய்ஸ் அஹ்மது பெய்ஸ்

    உனது அழகால் நிரம்பிய என் கண்கள், நான் விழித்தேன். உனது ஆடை அணிகளைப் போல காற்று புத்துணர்வை அடைந்துள்ளது. என் வைகறையில் உன் தேகத்தின் சுகந்தம் ஊடுருவியுள்ளது. நீ உறங்கும் படுக்கை அறையில் மேற்குக் காற்று உலவி அலைந்திருக்க வேண்டும்.

நாய்கள் - பெய்ஸ் அஹ்மது பெய்ஸ்

  வீதிகளில் திரியும் இந்தத் தெருநாய்கள்... பிச்சைதான் அவர்களுக்கு ஒரே விருந்து. சாபங்கள்தான் தெருநாய்களின் ஒரே உடைமை. வசைகள்தான் அவை உண்டாக்கும் விளைவு. பகலில் களிப்போ இரவில் ஓய்வோ கிடையாது. அசிங்கம்தான் அவர்களின் இருப்பிடம் சாக்கடையோரத்தில்தான் படுக்கை. வெகுண்டால் பரஸ்பரம் மோதிக்கொள்வர். இந்த அற்புதத்தை நிகழ்த்த ஒரு துண்டு ரொட்டி போதும் அவர்களுக்கு. யாராலும் உதைக்கப்படலாம் அவர்கள். பசி கிறங்க வாடிச் சலிக்கப்பழகியவர்கள். இந்தப் பரிதாப விலங்குகள் தலைகளை எப்போதாவது உயர்த்திவிட்டால் இந்தப் பிரபஞ்சத்தை சொந்தமாக்கிக்கொள்ள தீர்மானித்துவிட்டால் தங்கள் குரூரமான எஜமானர்களின் எலும்புகளை கடித்துக்கூட உமிழ இயலும். தாங்கள் அடைந்துவிட்ட இந்த இழிநிலையைப் பற்றி அவர்களுக்குச் சற்றே அறிவுறுத்துங்கள். அவர்களின் வீழ்ந்த வாலை நிமிர்த்தவாவது செய்யுங்கள்.

அகச்சேரனின் கவிதைகள் – அமைதி, அடக்கம், ஆழ்தொனி

  பெயரிலேயே இல்லை எல்லாம் . ஆமாம் . பெயரில்தான் என்ன இருக்கிறது ? ஆமாம் . எல்லாப் பெயர்களும் காலிக்குறிப்பான்களும் அல்ல . சொ . விருத்தாசலம் என்ற இயற்பெயரைக் கொண்டவனின் மேதமையை ‘ புதுமைப்பித்தன் ’ என்று அவனே புனைந்துகொண்ட துடுக்குத்தனமும் தேய்ந்த உணர்வும் கொண்ட பெயர் தாங்கி அர்த்தம் கொண்டுவிட்டது . பெயரில் எல்லாம் இருக்கிறது என்று சொல்லமுடியாவிட்டாலும் பெயர் , சிலவேளைகளில் உயிர் , உள்ளடக்கம் , அதன் உலகம் , அதிலிருந்து சொல்ல விரும்பும் செய்தியை ஏற்றுவிடுகிறது . நகுலன் என்பது வெறும் பெயரா ? விக்கிரமாதித்யன் என்பது வெறும் பெயரா ? கண்டராதித்தன் வெறும் பெயரா ? ராஜமார்த்தாண்டன் வெறும் பெயரா ? ந . ஜயபாஸ்கரன் வெறும் பெயரா ? அபி வெறும் பெயரா ? தேவதேவன் வெறும் பெயரா ? பிரம்மராஜன் வெறும் பெயரா ? ஞானக்கூத்தன் வெறும் பெயரா ? ஸ்ரீ நேசன் வெறும் பெயர்தானா ? அப்படித்தான் . அகச்சேரனும் எனக்கு வெறும் பெயர் அல்ல . கடந்த 20 ஆண்டுகளில் நவீன தமிழ்க்கவிதை அகப்படுத்திக் கொண்ட விரிவான உள்ளடக்க , வெளிப்பாட்டு வகைமையில் அது இழந்த அபூர்வ