Sunday, 4 March 2018

நீ இல்லை



ஸ்டீபன் வோலின்ஸ்கியின் நண்பர் கார்ல் ராபின்சன்
நிசர்கதத்த மகராஜிடம் போய்க் கேட்டார்.
"நான் அமெரிக்காவுக்குத் திரும்பிவிடவா 
அல்லது இந்தியாவிலேயே இருக்கவா?"

நிசர்கதத்த மகராஜ் பதிலளித்தார்.
இந்தியாவில் இருக்கலாம் 
அல்லது 
அமெரிக்காவுக்கே திரும்பிப் போகலாம் 
நீ இல்லை
அதனால் லாபமும் இல்லை
ஒரு நஷ்டமும் கிடையாது.

(நிசர்கதத்த மகராஜ், சென்ற நூற்றாண்டில் புனே நகரத்தில் வாழ்ந்த அத்வைத வேதாந்தி, புகையிலை வியாபாரி)

Friday, 2 March 2018

ரமணர் வளர்த்த முயல்




முயல்களிலேயே சின்னஞ்சிறிய முயலை

ரமணர் வளர்த்தார்.

ஒரே ஒரு புகைப்படத்தில்

அவருடைய பிருஷ்ட மெத்தைக்கருகில் அமர்ந்து

கம்பீரமாக முகம் காட்டி

காதுகளை உயர்த்தி

வரலாற்றில் இடம்பெற்று விட்டது.

சிறுவன் வெங்கட்ராமனை அதற்குத் தெரியுமாம்

அந்த முயலின் கண்கள் சொல்கின்றன.



பேருருவம் கொள்ளும் பிரகிருதி சுமித்ரா

மலையாளத்தின் தலைசிறந்த கவிஞரும் தமிழிலும் ஜெயமோகனின் மொழிபெயர்ப்பு காரணமாக நவீன கவிதை வாசகர்களிடமும் நன்கு அறிமுகமான கல்பட்டா நாராயணன...