Skip to main content

சேப்பாக்கம்


ஷங்கர்ராமசுப்ரமணியன்




ஏலம் போன
விளையாட்டு வீரன்
கைத்துண்டை இடுப்பில் செருகி
யாருக்கோ சமிக்ஞை செய்து
ஒரு இலகுபந்தை வீசுகிறான்
அதே மைதானத்தின்
வடக்கேயுள்ள
பட்டாபிராமன் வாசலுக்கு
எதிரே
தினமும் எவரோ
எதற்கோ
தற்காலிகப் பந்தல் நிழலில் நின்று
கோஷம் போட்டு
போராடிக் கொண்டிருக்கிறார்கள்
கூலி உயர்வு
மறுநியமனம்
இழப்பீடு கோரி
எங்கோ நடந்த துப்பாக்கிச்சூட்டைக் கண்டித்து
சிகப்பெழுத்துகளில் துண்டுப்பிரசுரங்களை

கடப்பவர்களிடம் கைநீட்டி
வினியோகம் செய்கிறார்
ஒருவர்
இருவர்
சிலர் விலகிச்செல்கிறார்கள்
காலையிலேயே
கடற்கரையில் சல்லாபம்
முடித்துத் திரும்பும்
வெளியூர் காதலர்கள்
துண்டுப்பிரசுரத்தை
கோர்த்த கைகளுக்குள் மடித்துக்கொண்டே
கோரிக்கைகளை என்ன செய்வதென்று தெரியாமல்
உப்பும் நீரும் மண்ணும் உதிராமல்
வேகமாகக்
கடக்கிறார்கள்
விளையாட்டு தொடர்கிறது
மினுமினுக்கும் துடைப்பங்களை ஆட்டி
தான் ஆடி தசையும் ஆட
உற்சாகமூட்டுகிறார்கள்
சியர் லீடர் பெண்கள்
ஆனாலும்
தொடர்ந்து
ஆடாமல் ஜெயிப்பவன்தான் மெய்யப்பன்


Comments

Popular posts from this blog

இது துயரம்தான் பழனிவேள்

காலையில் கவின்மலரிடம் தொலைபேசிய போது தான் நண்பர்களால் நரேந்திரன் என்று அழைக்கப்படும் பழனிவேளின் மரணச் செய்தியைத் தெரிந்து கொண்டேன். பழனிவேளைத் தெரியுமா என்ற தொனியிலேயே விஷயம் உணரப்பட்டுவிட்டது. வே. பாபு மரணச் செய்தியும் அப்படித்தான் வந்தது- ஏற்கனவே தெரிந்தது உறுதிப்படுத்தப்படுவது போல. பழனிவேள் உடல்நலமில்லாமல் இருப்பது பற்றி கண்டராதித்தன் சில மாதங்களுக்கு முன்னர் என்னிடம் சொல்லியிருந்ததை மனம் கோத்திருக்க வேண்டும். இது துரதிர்ஷ்டமானது தான். பகலிரவுப் பொழுதுகளை, சில போதைப் பொழுதுகளை, படைப்பூக்கமிக்க தருணங்களைப் பகிர்ந்த நம் வயதையொத்தவர்கள் இல்லாமல் போவது.
பழனிவேளை நண்பர் என்று சொல்லமுடியாது. 90-களின் இறுதியில் 2000-ம் ஆண்டின் துவக்கத்தில் புதுக்கவிதையின் வடிவத்தை, உள்ளடக்கத்தை மாற்றிய, கவிதை வடிவத்தை வாழ்க்கையை எதிர்கொள்வதற்கான லட்சியப்பூர்வமான கருவியாகப் பாவித்த இளம் நவீன கவிஞர்களின் இயக்கம் ஒன்று செயல்பட்டது. திருநெல்வேலி, நாகர்கோவில்,  திருவண்ணாமலை, சென்னை, திண்டுக்கல் என வேறு வேறு இடங்கள் சார்ந்து அவர்கள் இயங்கினார்கள். எல்லாரும் சேர்ந்து கூடி பேசிக் கொண்டனர் என்றெல்லாம் சொல்லமுடியாது…

தேவதச்ச கணங்கள்

உலகிலேயேஅழகான உயிர்பொருள் நாய்வால்தான் அதற்குகண்இல்லை காதுஇல்லை ஒருஇதயத்திலிருந்துநீளும் துடிப்புஉண்டு மிகமிகமிக முக்கியமாக அதற்கு அன்பின்கோரைப்பற்களில் ஒன்றுகூடஇல்லை.
000

பொன்னூரிலிருந்து சிவப்பூர்செல்லும்வழியில் சதுப்புநிலநீர்நிலைகளை ஒளிரவைக்கிறான்மாலைச்சூரியன் நடைபயில்பவர்கள்காதலர்கள் ஸ்கேட்டிங்விளையாடும்குழந்தைகள் மிருதுவாக்கிய ஏகாந்தசாலையின் பக்கவாட்டில் பறக்கும்ரயில்கடந்துசெல்கிறது. காற்றில்ஆடிக்கொண்டிருக்கும் சிறுவேப்பமரங்கள் நாணல்கள் சரசரக்கும்புல் கன்னங்கரெலென்று ஒருசிறுகிளையில்

ப்ரவுனிக்குச் சில கவிதைகள்

பளபளக்கும் கண்கள் ஆடும் வால் பிரபஞ்சம் நாய்க்குட்டி வடிவத்தில் விளையாட அழைக்கிறது.
-ஒரு ஹைகூ கவிதை
ஆம், ப்ரவுனி. கோலி உருண்டைக்குள் பூவாய் ஒளிரும் ஒளிதான் உன் கண்கள் அந்தப் பூவிலிருந்து நீள்வதுதான் உனது ஆடும் துடுக்குவால்
அழைக்கிறது எல்லையற்று விளையாட.
விளையாடு விளையாட்டை நிறுத்தும் வரை மரணமில்லை
விளையாடு