Friday, 13 November 2015

சிறிய பொருட்களே சின்னஞ்சிறிய பொருட்களே

                                            ஷங்கர்ராமசுப்ரமணியன்
 நேசத்துக்குரியவர்களும்
 அத்தியாவசியமானவைகளும்
 இல்லாமலாகும்
 வயதில்
 இடத்தில்
 சிறிய மதிப்பற்ற
 பொருட்கள்
 மூடநம்பிக்கைகளாய்
 வந்து ஒட்டிக்கொள்கின்றன
 புதிய நகவெட்டி
 ஒரு காதலின் பருவத்தில் சேகரித்த 
பறவையின் இறகுகள்
துங்கபத்ரை நதியின்
பாறை இடுக்குகளில்
பொறுக்கிய
கூழாங்கற்கள்
வளர்ந்த மகளின்
சின்ன உடைகள்
இறந்துபோன வளர்ப்புமீன்களுக்கு
வாங்கிய உணவுப் புட்டி
பழைய அடையாள அட்டையிலிருந்த
புகைப்படம்
நண்பரின் கையெழுத்தைக் கொண்ட
புத்தகம்
அனைத்தும்
தொலைந்தவற்றின்  நினைவைப்  பதுக்கிவைத்திருக்கின்றன
ஒருபோதும் என்னால்
விட்டுச் செல்ல இயலாத
சிறிய பொருட்களே
சின்னஞ்சிறிய பொருட்களே


அந்தக் குருவி யார் ஸ்ரீநேசன்

  கவிஞர் ஸ்ரீநேசன் நேற்று தன் வீட்டு ஜன்னலுக்கு வந்த குருவி ஒன்றின் வீடியோவை வாட்சப்பில் அனுப்பியிருந்தார். ஜன்னலில் அடிக்கப்பட்டிருந்த வலை ...