Friday, 9 December 2016

பரிசு - செஸ்லா மிலோஷ்



 தமிழில்: சபரிநாதன்

வெகு சந்தோஷமான நாள்
மூடுபனி விலகியது முன்னமே.
நான் தோட்டத்தில் வேலை செய்தேன்.
ஹனிச்சக்கில் மலர்கள் மேல் நின்று சென்றன ஹம்மிங் சிட்டுகள்.
எனதாக்க விரும்பும் பொருள் என்று எதுவுமில்லை பூமியில்
பொறாமை கொள்ளத் தகுதியான எவரையும் அறியவில்லை
எனைப் படுத்திய தீமைகள், அதை எல்லாம் மறந்துவிட்டேன்
முன்பொரு காலம் நான் இதே மனிதனாக இருந்ததை எண்ணுவது
                                     அவமானமுறச் செய்யவில்லை
வலியேதும் உணரவில்லை உடலில்
நிமிர்கையில் கண்டேன்
நீலக்கடலையும் கப்பற்பாய்களையும்


( ‘தக்கை’ இதழில் வெளியானது.)



No comments:

உன் பெயர் அகாலம்

நானும் நீயும் கைகோர்த்துச் சுற்றாத வேளை அகாலம் என்று கண்டேன் நானும் நீயும் சேர்ந்து பார்த்த கடலை பின்னர் பார்க்காத போது அதை ...