Saturday, 7 September 2019

நகரம் நீங்கியிருப்பேன்


உன்
பொம்மைகள்
நீ தவழ்ந்து கடக்கும் கதவுகள்
புழங்கும் அறைகள்
சுவர்கள்
அம்மா அப்பா
எல்லாரையும் எல்லாவற்றையும்
உன் குட்டி நாவால்
சப்பி அறியும்
என் கிளிச்சிறுமி நீ.
இரவு நீ உறங்கும்போது
நான் வேட்டைக்குச் செல்வேன்
நிலவுகள்
ஒட்டகங்கள்
கதைகள்
கடவுளர்கள்
காதல்கள்
எல்லாவற்றையும்
உன் சிறு கையளவு வடிவங்களாக
மாற்றி
உன் முன் பரிசுகளென விரிப்பேன்
அவற்றை நீ உன் இருகை பற்றி
உன் நாவால் அறியத் தொடங்கும்
போது
உன் தந்தை நான்
நகரம் நீங்கியிருப்பேன்.

No comments:

சடலம் உண்மையை மட்டுமே பேசும்

காவல் மரணங்கள், மோதல் சாவுகள், வரதட்சணைக் கொலைகள், பாலியல் குற்ற மரணங்கள்,  பள்ளிகள் மற்றும் பணியிட மரணங்களுக்குப் பின்னால் உள்ள எத்தனை...