Skip to main content

முதல் இந்துக் கடவுளாக ராமன் - சீனிவாச ராமாநுஜம்




இந்தியாவின் முதல் இந்துக் கோயில் உதயமாகப்போகிறது. ராமர்தான் மூலவர். கோயில் என்று நாம் எதை அர்த்தப்படுத்தினாலும், இந்த இந்துக் கோயில் தெய்விகத்தை அடையாளப்படுத்தவில்லை; அடையாளப்படுத்தவும் முடியாது.இந்தக் கடவுளான ராமன், நவீன தேசியஅரசுமூலதனத்தின் அவதாரம். மிக நெடுங்காலமாக உருவாக்கத்திலிருந்த கடவுள் இவன். இந்தியா என்று நாம் இப்போது அழைக்கும் நிலத்தில் குறுக்கும் நெடுக்குமாகப் பல நூற்றாண்டுகளாக அலைந்த ராமனிலிருந்து வேறுபட்டவன் இந்த ராமன். அவனைப் பற்றி ஏற்கெனவே இருக்கும் கதைகளுடன் புதிய சேர்க்கையாகச் சேர்பவன் அல்ல இந்தப் புதிய ராமன். இவன் ஒரு புதிய கதையை உருவகிப்பவன். 

இந்து என்று தயாராகிவருகிற ஒரு சமயத்தின் கடவுள் இவன். இவனுக்கு இறந்தகாலமோ எதிர்காலமோ இல்லை. இவனுக்கு நிகழ் மட்டுமே உண்டு. சீதா அல்லது லக்ஷ்மணன் அல்லது அனுமனை இவனது இப்பக்கத்தில் துணைகளாக்க முடியுமா என்று சந்தேகம்கொள்கிறேன். இவன் தசரத மன்னனின் மகனும் அல்ல. இவன் ராமன்; இறந்த காலமோ எதிர்காலமோ இல்லாத தனி ராமன். விஷ்ணுவின் பதினொன்றாவது அவதாரம் இவன். இன்னமும் அவதரிக்காத பத்தாவது அவதாரமாகவும் இருக்கலாம். அத்துடன் இந்தப் புதிய அவதாரம் ராமன்-2 ஆகிறது. உபரி ஏதுமற்று நீண்டகாலமாக ராமன்-1 இருந்துகொண்டிருக்கிறது. இல்லை, நான் சொல்வது தவறு. நம்மிடையே ஒரு ஆன்மா உலவிக்கொண்டிருந்தது. அவர் பெயர் காந்தி. ராமன்-1ல் உபரி உண்டு என்றும், தேசத்தையும் அதன் மக்களையும் வரையறுப்பதற்கு அதைப் பயன்படுத்தலாம் என்றும் அவர் நம்பினார். அந்த ராமனுக்கு இறந்தகாலமும் எதிர்காலமும் உண்டு. அவன் பரிவு கொண்டவன். அவன் மனிதன். அவன் தேவனோ கடவுளோ அல்ல. அந்த ராமன் வைஷ்ணவன். இந்த ராமன் ஒரு இந்து. ராமன்-2 இந்து பரிவாரத்தையும் நவீன அரசையும் சார்ந்திருக்கத்தான் வேண்டும். காந்தியின் ராமனோ அரசைச் சார்ந்தவன் அல்ல. அவன் மக்களைச் சார்ந்திருப்பவன். அவன் மக்கள் வழியே அர்த்தம்கொள்பவன்.

புதிய ராமன் அரசுக்காக, அரசால், அரசின் வழியாகத் தன் அர்த்தம் பெறுபவன். இவன் மக்களிடமிருந்து கடவுளாக மிகத் தொலைவில் இருப்பவன். புதிய சமயத்தின் பெயரான ஹிந்துவையும், அதன் புதிய கடவுளான ராமா-2வையும் இந்து பரிவாரமும் அரசும்தான் பராமரிக்க வேண்டும். மக்களால் அவனைப் பரிபாலிக்க முடியாது. அவனால் மக்களின் மனங்களையும் இதயங்களையும் நிரப்பவே முடியாது. மக்கள் இன்னமும் இறந்தகாலமும் எதிர்காலமும் கொண்ட ராமனை வணங்குகின்றனர். புதிய ராமனால் பழைய ராமனின் இறந்த காலத்தையும் உன்னதத்தையும் கையகப்படுத்த முடியாது. காந்தி படுகொலை செய்யப்பட்டதுபோல பழைய ராமன் மீண்டும் திரும்ப முடியாதவாறு அழிக்கப்படுவான். புதிய ராமனால் பவுத்த ராமனாக, சமண ராமனாக, முஸ்லிம் ராமனாக, கம்பனின் ராமனாக, வால்மிகியின் துளசிதாசனின் ராமனாக ஆக முடியாது. இந்தோனேசியாவில், தாய்லாந்தில் இன்னும் பிற நாடுகளில் காணப்படும் ராமனாகப் புதிய ராமனால் ஆகவே முடியாது. இந்துக்களின் இந்திய ராமனாகவே இவன் ஆக முடியும். இந்த ராமனுக்கு வகைமையோ பன்மையோ கிடையாது. இவனுக்குப் பல வடிவங்களும் கிடையாது. இவனுக்குப் பல இறந்த காலங்கள் கிடையாது. இவனுக்குப் பல எதிர்காலங்களும் இருக்க முடியாது. இவன் இறக்க மாட்டான். இவன் திருமணம் செய்துகொள்ளாமல் போகலாம்; குழந்தைகள் பெற்றுக்கொள்ளாமல் போகலாம். இவன் ஒரு கருத்துருவம், இந்து ராஷ்டிரத்தின் கருத்துருவம் இவன். இந்திய அரசு, இந்து தேசியத்தின் கருத்துருவமாக இருப்பான். இவனுக்கு எந்த அறமும் இருக்காது. பழைய ராமனோ அறத்தில் வழுவியவன். ஏனெனில், அவன் பிழைகளைச் செய்யும் மனிதன். புதிய ராமனோ தோற்க முடியாது. ஏனெனில், அவனுக்கென்று எந்த அறமும் கிடையாது. நவீன இந்திய அரசு, இந்து தேசியவாதம், இந்து பரிவாரத்தின் நார்சிசம் ஆகியவற்றின் தேவைகளே அவனது தேவைகளும். இவனால் மக்களுக்கு வழிகாட்ட முடியாது. இவனால் அறத்தின்வழி செயல்பட முடியாது. மனிதர்கள் செய்யும் தவறுகளை இவன் செய்ய முடியாது. இவன் அரசு, இவன் தேசம். அதுதான் ஹிந்துக்கள் என்னும் சமயம்.


இந்த ராமன் என்னுடைய ராமன் அல்ல. இந்த ராமன் காந்தியின் ராமனாக இருக்க முடியாது. இந்த ராமனால் பவுத்தர்கள், சமணர்கள், இஸ்லாமியர்களின் ராமனாக இருக்கவே முடியாது.

அதேசமயம், நம்மிடையே நமது ராமனை நாம் வைத்துக்கொள்ள முடியும். தன்னை வித்தியாசப்படுத்துவதை மட்டுமே அவன் விரும்புகிறான். வித்தியாசப்படுத்திக்கொள்வோம் என்று நம்புவோமாக.


வைஷ்ணவ ஜனதோ- நரசிங்க மேத்தா


வைணவன், மற்றவர்களின் வலியை அறிபவன்
தன் மனத்துக்குள் பெருமிதத்தை நுழையவிடாமல்
மற்றவர்களுக்கு நன்மைகளைச் செய்பவன்
வைணவன், முழு உலகத்தையும் மரியாதை செய்பவன்
மற்றவர்கள் குறித்து தீங்காகப் பேசாதவன்
தனது உறுதிமொழிகளையும் செயல்களையும் சிந்தனைகளையும்
தூய்மையாகப் பராமரிப்பவன்
அப்படிப்பட்ட ஆத்மாவைப் பெற்ற தாய் ஆசிர்வாதத்துக்குரியவள்

வைணவன், எல்லாரையும் சமமாகப் பார்ப்பவன் எதற்கும் ஏங்காதவன்
பேராசைப் படாதவன்
தன் தாயை மரியாதை செய்வதுபோல
ஒவ்வொரு பெண்ணையும் நடத்துபவன்
அவனது நாக்கு களைப்புற்றாலும் பொய்யே சொல்லாதவன்
மற்றவர் சொத்தைத் தீண்டாதவன்.
வைணவன், உலக பந்தங்களுக்கு ஆட்படாதவன்
காமம் குரோதங்களைத் துறந்தவன்

கவிஞன் நர்சி சொல்கிறான்: அப்படி ஒரு ஆன்மாவைச் சந்திக்க இயன்றால் நான் நன்றிக்குரியவன். அவனது நல்லொழுக்கம் ஒட்டுமொத்த பரம்பரையையும் விடுதலை செய்யும்.

தமிழில் : ஷங்கர்

Comments

Popular posts from this blog

விகடன் என்னும் ஒரு பெருநிறுவனத்துக்கு எதிராக எளியவர் பச்சோந்தி பெற்றிருக்கும் வெற்றி

கரோனா என்னும் இயற்கைப் பெருந்தொற்று, இந்தியா போன்ற வளர்முக சமூகத்தில், அடிமட்டத்தில் உள்ள மக்களின் ஏற்கெனவேயுள்ள துயரங்களைக் கூட்டி, ஒரு இயற்கைப் பேரிடர்கூடக் கடைசியில் ஏழைகளது தலையிலேயே பிரமாண்டமான சுமைகளை இறக்குகிறது என்பதை மீண்டும் நிரூபித்தது. முகமூடி அணிவதையும், மனிதர்களைத் தொடாத இடைவெளியையும், அனுமதிக்கப்பட்ட தீண்டாமையையும் பணக்காரர்களும் உயர்சாதியினரும் தான் பெருந்தொற்றுக் காலத்தைச் சாதகமாக்கி இயற்கையானதாக, சௌகரியமானதாக மாற்றிக் கொண்டிருக்கின்றனர். மத்தியில் ஆளும் பாஜக அரசு தனது கொடுங்கோன்மையை, இந்தப் பெருந்தொற்றின் முகமூடியை அணிந்தே வேறு வேறு வகைகளில் குடிமக்கள் மீது இறக்கியது.      இந்தப் பெருந்தொற்று நெருக்கடியைப் பயன்படுத்திக் கொண்டு தொழிலாளர்களை வெளியேற்றி பல தொழில்துறைகளில் பத்திரிகை துறையும் ஒன்று. நாட்டில் நடக்கும் அவலங்கள், அரசியல்வாதிகளின் தகிடுதித்தங்களை எல்லாம் உரத்துப் பேசும் ஊடகங்களும், எழுதும் பத்திரிகையாளர்களுக்கும் தங்கள் உரிமைகளைப் பேசுவதற்கு இன்னமும் சரியான அமைப்போ, அவர்களது உரிமைகளைப் பாதுகாப்பதற்கான சட்டங்களோ வலுவாக இல்லாத நிலையில், இந்தியா முழுவதும் தி இந

ஒருநாள் - நகுலன்

   ஈசுவரஸ்மரணையிலேயே தன் ஸ்மரணையை உலகைவிட்டு சுழலாமல் வாழ்வை நடத்திவந்த பரமஹம்ஸரைச் சுற்றி சிஷ்யர்கள் வந்து போய்க் கொண்டிருந்தனர் . பிற்காலம் உலகப் பிரசித்தி பெற்ற நரேந்திரநாத தத்தர் , உலகறியாத  ஆ னால் பரமஹம்ஸருக்கு வேதாந்தங்களை உபதேசித்துவிட்டு விடை பெற்றுக்கொண்ட மகான் தோதாபுரி , உறவினனான இருதய முகர்ஜி பிரம்ம ஸமாஜிகளான கேசவசந்திர சேனர் , சாஸ்திரி சிவநாத பாபு , பிரதாப சந்திர முஜும்தார் , வைதிக ரத்தினமான கிருஷ்ண கிஷோர் சாதகர்களான கௌரங்கஸ்வாமி , நித்தியானந்தஸ்வாமி , வைத்தியரானசசாதரபண்டிதர் , கோடீச்வரரானயதுநாதமல்லீக் ,  ராணிராஸமணியின் மருமகனான மதுரபாபு இப்படியாகப் பலரும் பரமஹம்ஸரைப் பார்த்து அளவளாவ வந்து போய்க் கொண்டிருந்தனர் .  இவர்களுடன் பரமஹம்ஸர் முழுவிவகார ஞானத்துடன் பேசுவதை முதல் தடவையாகப் பார்ப்பவர்கள் அவர் உலகை நிராகரித்தவர் என்று சொன்னால் அதிசயப்படுவார்கள் . அவரவர் - யதுநாத மல்லிக்கிலிருந்து தோட்டி குஞ்சன் வரை -  அவரவர் தங்கள் கஷ்டங்களைச் சொல்லி , அவருடைய திருஷ்டாந்தக் கதைகள் மூலம் சாந்தி பெற்றுப் போவார்கள் . அவர்கள் எப்பொழுது போவார்கள் வருவார்கள் என்பதும் நிச்சயமில்லை .

நீலக்குதிரைகள் - மேரி ஆலிவர்

நான்கு நீலக்குதிரைகள் ஓவியத்துக்குள் நுழைகிறேன் அது சாத்தியமாவதில் எனக்கு ஆச்சரியம் கூட இல்லை. நான்கில் ஒரு குதிரை என்னை நோக்கி நடந்துவருகிறது. அதன் நீல மூக்கு என்னிடம் லேசாக நீள்கிறது. நான் எனது கையை அதன் நீலப்பிடறியில் இட்டு கட்டிக் கொள்கிறேன். என் புளகிதத்தை அது அனுமதிக்கிறது. ஓவியன் ப்ரான்ஸ் மர்க் மூளையில் வெடிகுண்டின் உலோகத்துண்டு தாக்கி இறந்துபோனான். போரென்றால் என்னவென்று அந்த நீலக்குதிரைகளுக்கு விளக்குவதை விட நான் இறந்தே விடலாம். அவை பீதியில் மயக்கம் போட்டு விழுந்துவிடும் அல்லது அதை அவற்றால் நம்பவே முடியாது. ப்ரான்ஸ் மர்க் உனக்கு எப்படி நன்றி சொல்வது. நமது உலகம் காலப்போக்கில் கூடுதலாக அன்பானதாக ஆகலாம். அழகான ஒன்றை ஆக்கும் வேட்கை நம் எல்லாருக்குள்ளும் இருக்கும் கடவுளின் ஒரு சிறு துண்டாக இருக்கலாம். இப்போது அந்த நான்கு குதிரைகளும் நெருக்கமாக வந்து ரகசியங்கள் சொல்ல இருப்பதைப் போல என்னை நோக்கி தங்கள் தலையைத் தாழ்த்துகின்றன அவை பேசவேண்டுமென்று நான் எதிர்பார்க்கவில்லை அவை பேசவும் செய்யாது. என்ன சொல்லக் கூடும் அவை இத்தனை அழகாக