Wednesday, 13 March 2013

சூரிய உதயத்திலிருந்து வருகிறோம்


ஷங்கர்ராமசுப்ரமணியன்

எங்கிருந்து புறப்பட்டு நகரமெங்கும்
பரவுகிறார்கள்
இந்த விற்பனைப் பிரதிநிதிகள்
கழுத்துப்பட்டையை ஓயாமல்
சரி செய்துகொண்டு
காலை வணக்கம் ஐயா
நாங்கள் சூரிய உதயத்திலிருந்து
வருகிறோம்
எங்கள் கருவியின் செயல்பாட்டை
உங்களுக்கு நிகழ்த்திக் காட்ட
அனுமதிப்பீர்களா

சரி ஐயா
உங்கள் சிரமம் புரிகிறது
தொந்தரவுக்கு மன்னிக்கவும்
உங்கள் நாயைக் கொஞ்சம்
பிடித்துக் கொள்ளுங்கள்
நாங்கள் வெளியேறுகிறோம்

ஒரு வீட்டின் வரவேற்பறையில்
யாரோ தெரிய
வாசல்கதவை மென்மையாக
திறக்கிறார்கள்
காலை வணக்கம் ஐயா
நாங்கள் சூரிய உதயத்திலிருந்து
வருகிறோம்.

(எனது முதல் தொகுதியான மிதக்கும் இருக்கைகளின் நகரம் தொகுப்பில் இருந்து- வெளியானது 2001) 

No comments:

ரிசர்வ் லைன்

என் அறைக்கும் அலுவலகத்துக்கும் இடையில் காவலர் குடியிருப்பு. ஆயுத அறை, காவலர் மைதானம், மாரியம்மன் கோவில், திருமண மண்டபம், காவல் நாய்களின்...