Friday, 27 October 2017

ஆத்ம சதகம் - ஆதிசங்கரர்





மனம் புத்தி அகந்தை நினைவு அல்ல
செவிகள் சருமம் நாசி கண்கள் அல்ல
வெளி பூமி தீ நீர் காற்றும் அல்ல
நான் சிதானந்த வடிவமான சிவன்
நான் சிதானந்த வடிவமான சிவன்

நான் சுவாசமோ பஞ்சபூதங்களோ அல்ல
பொருண்மையோ பஞ்சகோசங்களோ அல்ல
என் பேச்சு கைகள் கால்கள் நான் அல்ல
நான் சிதானந்த வடிவமான சிவன்
நான் சிதானந்த வடிவமான சிவன்

விருப்பம் விரோதம் பேராசை மாயை
பெருமை பொறாமை
என்னிடம் இல்லை
எனக்கென்று கடமையோ செல்வத்துக்கான ஆசையோ
காமமோ விடுதலையோ இல்லை
நான் சிதானந்த வடிவமான சிவன்
நான் சிதானந்த வடிவமான சிவன்

புண்ணியமோ பாவமோ சவுக்கியமோ துக்கமோ
நான் அல்ல
மந்திரமோ தீர்த்தமோ வேதமோ யக்ஞங்களோ
எனக்குத் தேவையல்ல
அனுபவிப்பவன் அல்ல அனுபவம் அல்ல
அனுபவப் பொருளும் அல்ல
நான் சிதானந்த வடிவமான சிவன்
நான் சிதானந்த வடிவமான சிவன்

மரணபயம் எனக்கில்லை
சாதியும் சமயமுமில்லை
எனக்குத் தந்தை தாய் கிடையாது
நான் பிறக்கவே இல்லை
நான் உறவினனோ நண்பனோ
ஆசிரியனோ அல்ல
நான் சிதானந்த வடிவமான சிவன்
நான் சிதானந்த வடிவமான சிவன்

நான் இரட்டைகள் ஒழிந்தவன்
வடிவமற்றதே எனது வடிவம்
எல்லாப் புலன்களிலும் பரவி எங்குமிருப்பவன்
பந்தத்திலும் இல்லை
விடுபடவும் இல்லை
பிடிபடவும் இல்லை
நான் சிதானந்த வடிவமான சிவன்

நான் சிதானந்த வடிவமான சிவன்

(தமிழில் ஷங்கர்)

No comments:

ஷோபா சக்தியின் இச்சா

துயரம் , இழப்பு , மரணம் , சித்திரவதைகள் , ரத்தக் கோரங்கள் நிகழ்ந்த பிறகு சொல்லப்படுகையில் அவை எத்தனை கொடூரமானதாக இருந்திருந்தாலும் அவை...