Monday, 14 August 2017

மூன்று மியாவ்களின் அர்த்தம்




எங்கள் வீட்டுப் பால்கனியில்
ஓய்வெடுக்க வரும்
வெள்ளைநிறத்துக் குண்டுப்பூனை வெளியிடும்
மூன்று மியாவ்களின் அர்த்தம்
இப்போதெனக்குத் தெரியும்.
பால் திடவுணவு கொஞ்சுவதற்கான கோரிக்கை
என்று
என் மகள்
மூன்று மியாவ்களை
எனக்குத் திறந்து காண்பித்தாள்
மூன்று மியாவ்களுக்குள் சாத்தியமாகிவிடக் கூடிய
அதன்
வாழ்வின் மீது எனக்குப் பொறாமையும் வந்திருந்தது
இன்று மாலையில்
மழைக்கு ஒதுங்கி
காம்பவுண்ட் சுவரில் உட்கார்ந்திருந்த
கருப்பு வெள்ளை வரிப்பூனை
என்னைப் பார்த்து
மியாவ் என்றது.
அது மெலிந்த பூனைதான்
அது தொடர்ந்த மியாவ்களின் புதிர்
என்னை அறுப்பதைப் பார்த்தபடி
திடுக்கிட்டு நின்றேன்.
அதற்கு அர்த்தம் சொல்வதற்கு யாரும் இல்லை.
எனக்கு அது இனி தெரியவும் போவதில்லை

அந்த மியாவின் கோரிக்கை
மிக
எளியதாகவும் கூட இருக்கலாம்.

No comments:

கற்பனையின் சாத்தியங்களைச் சொல்லும் ஹாக்கிங்

அவன் சிறுவனாக இருந்தபோது, பொருட்கள் எப்படி வேலை செய்கின்றன என்பதைத் தெரிந்துகொள்வதில் பேராவல் கொண்டிருந்தான். கையில் கிடைப்பதை ...