Skip to main content

மின் படிக்கட்டில் யுவதி - சார்லஸ் புக்கோவ்ஸ்கி


மின் படிக்கட்டில் ஏறி நின்றபோது

ஒரு யுவனும் அழகிய யுவதியும்

எனக்கு முன்னால் நின்றுகொண்டிருந்தனர்.

தோலை இறுக்கும் அவளது கால்சட்டை, ரவிக்கை 

நாங்கள் மேலேறிக் கொண்டிருக்கும்போது

அவள் ஒரு காலை 

அவள் நிற்கும் படிக்கு மேல்படியில்

வைத்திருந்தாள்

அவளது பின்புறம் வசீகரமான வடிவத்தை

கற்பித்தது

அந்த யுவன் சுற்றிச்சுற்றிப் பார்த்தான்

அவன் கவலையுடன் தோன்றினான்.

என்னைப் பார்த்தான்.

நான் வேறுபக்கம் தலையைத் திருப்பிக்கொண்டேன்.


இல்லை யுவனே நான் பார்க்கவில்லை

உனதவளின் பின்புறத்தைப் பார்த்துக் கொண்டிருக்கவில்லை

கவலை வேண்டாம், நான் அவளை மதிக்கிறேன்

அத்துடன் உன்னையும்.

அதுபோக நான் எல்லாவற்றையும் மதிக்கிறேன்

வளரும் மலர்களை, இளம் பெண்களை

குழந்தைகள்

விலங்குகளை

நமது அருமையான சிக்கலான பிரபஞ்சத்தை

ஒவ்வொருவரையும் ஒவ்வொன்றையும்.


தற்போது அந்த யுவன் நல்லபடியாக உணர்கிறான்

அத்துடன் அவன் குறித்து எனக்கும் மகிழ்ச்சியே.

அவனது பிரச்சினையை நான் அறிவேன்

அந்த யுவதிக்கு ஒரு தாய், தந்தை, சகோதரியோ சகோதரனோ

இருப்பார்கள்

அத்துடன் சினேகமற்ற ஒரு கொத்து உறவினர்களும் இருப்பார்கள்

அத்துடன் அவள் நடனமாட விரும்புகிறாள்

சரசப்பேச்சிலும் அவளுக்கு நாட்டமிருக்கிறது

அத்துடன் சிலசமயங்களில் சினிமாக்களுக்குப் போக விரும்புகிறாள்

சிலசமயங்களில் 

பேச

அதேநேரத்தில்

சுவிங்கம் சவைக்கவும்

மொக்கையான தொலைக்காட்சி நிகழ்ச்சிகளை அவள் ரசிக்கிறாள்

வளர்ந்து வரும் நடிகை என்று தன்னைப் பற்றி நினைக்கிறாள்

அத்துடன் எப்போதும் அவள் அழகாகத் தோற்றம் தருவதில்லை

அத்துடன்

சிடுசிடுப்பு இயல்பும் 

சிலசமயங்களில் உச்சபட்சமாய் கிறுக்குத்தனமாகவும் நடந்துகொள்கிறாள்

தொலைபேசியில் மணிக்கணக்காக அவளால் பேசமுடிகிறது

எப்போதாவது கோடைக்காலத்தில் ஐரோப்பாவுக்குப் போக விரும்புகிறாள்

சமீபத்தில் அறிமுகமான மெர்சிடஸ் காரை நீங்கள் வாங்கித் தரவேண்டுமென்றும் ஆசைப்படுகிறாள்

அவளுக்கு மெல் கிப்சன் மீது வாஞ்சை

அவளது தாய் குடிகாரி

அவளது தந்தை ஒரு இனவாதி

அத்துடன் சிலசமயங்களில்

அதிகமாக மதுவருந்தும்போது

குறட்டை விடுகிறாள்

அத்துடன்

படுக்கையில் எப்போதும் ரசனையுடன்

நடந்துகொள்கிறாள்

1978-ம் ஆண்டில் பாலைவெளியில் கிறிஸ்துவைச் சந்தித்த

ஒருவனை அவள் குருவாக வைத்திருக்கிறாள்

அத்துடன்

அவள் நடனக் கலைஞராக ஆக விரும்புகிறாள்

அவள் வேலையில்லாதவளாக இருக்கிறாள்

சக்கரையோ பாலாடைக்கட்டியோ சாப்பிட்டால்

அவளுக்கு மைக்ரேன் தலைவலி ஏற்படுகிறது


அவன் அவளை மின்படிக்கட்டில் 

கூட்டிச்செல்லும்போது

அவனது கரம்

அவளது இடுப்பைச் சுற்றிப் பாதுகாப்பாக

பற்றியுள்ளது

அவன் அதிர்ஷ்டக்காரன் என்று நினைத்தபடி

அவன் நிஜமாகவே சிறப்புத்தகுதி கொண்ட நபரென்றும்

அவனிடம் உள்ளது உலகில் யாரிடமும்

இல்லை என்றும் நினைத்தபடி.


அவன் நினைப்பது சரிதான், மிக மிகச் சரிதான்

அவனது கரம் சுற்றியுள்ளது

குடல்

சிறுநீர்ப்பை

சிறுநீரகங்கள்

நுரையீரல்

உப்பு

சல்பர்

கார்பன் டை ஆக்சைடு

மற்றும்

கபம்

நிறைந்த

ஒரு கதகதப்பான வாளியை.


உனக்கு நல்வாழ்த்துகள் பையா.

Comments

Popular posts from this blog

விகடன் என்னும் ஒரு பெருநிறுவனத்துக்கு எதிராக எளியவர் பச்சோந்தி பெற்றிருக்கும் வெற்றி

கரோனா என்னும் இயற்கைப் பெருந்தொற்று, இந்தியா போன்ற வளர்முக சமூகத்தில், அடிமட்டத்தில் உள்ள மக்களின் ஏற்கெனவேயுள்ள துயரங்களைக் கூட்டி, ஒரு இயற்கைப் பேரிடர்கூடக் கடைசியில் ஏழைகளது தலையிலேயே பிரமாண்டமான சுமைகளை இறக்குகிறது என்பதை மீண்டும் நிரூபித்தது. முகமூடி அணிவதையும், மனிதர்களைத் தொடாத இடைவெளியையும், அனுமதிக்கப்பட்ட தீண்டாமையையும் பணக்காரர்களும் உயர்சாதியினரும் தான் பெருந்தொற்றுக் காலத்தைச் சாதகமாக்கி இயற்கையானதாக, சௌகரியமானதாக மாற்றிக் கொண்டிருக்கின்றனர். மத்தியில் ஆளும் பாஜக அரசு தனது கொடுங்கோன்மையை, இந்தப் பெருந்தொற்றின் முகமூடியை அணிந்தே வேறு வேறு வகைகளில் குடிமக்கள் மீது இறக்கியது.      இந்தப் பெருந்தொற்று நெருக்கடியைப் பயன்படுத்திக் கொண்டு தொழிலாளர்களை வெளியேற்றி பல தொழில்துறைகளில் பத்திரிகை துறையும் ஒன்று. நாட்டில் நடக்கும் அவலங்கள், அரசியல்வாதிகளின் தகிடுதித்தங்களை எல்லாம் உரத்துப் பேசும் ஊடகங்களும், எழுதும் பத்திரிகையாளர்களுக்கும் தங்கள் உரிமைகளைப் பேசுவதற்கு இன்னமும் சரியான அமைப்போ, அவர்களது உரிமைகளைப் பாதுகாப்பதற்கான சட்டங்களோ வலுவாக இல்லாத நிலையில், இந்தியா முழுவதும் தி இந

ஒருநாள் - நகுலன்

   ஈசுவரஸ்மரணையிலேயே தன் ஸ்மரணையை உலகைவிட்டு சுழலாமல் வாழ்வை நடத்திவந்த பரமஹம்ஸரைச் சுற்றி சிஷ்யர்கள் வந்து போய்க் கொண்டிருந்தனர் . பிற்காலம் உலகப் பிரசித்தி பெற்ற நரேந்திரநாத தத்தர் , உலகறியாத  ஆ னால் பரமஹம்ஸருக்கு வேதாந்தங்களை உபதேசித்துவிட்டு விடை பெற்றுக்கொண்ட மகான் தோதாபுரி , உறவினனான இருதய முகர்ஜி பிரம்ம ஸமாஜிகளான கேசவசந்திர சேனர் , சாஸ்திரி சிவநாத பாபு , பிரதாப சந்திர முஜும்தார் , வைதிக ரத்தினமான கிருஷ்ண கிஷோர் சாதகர்களான கௌரங்கஸ்வாமி , நித்தியானந்தஸ்வாமி , வைத்தியரானசசாதரபண்டிதர் , கோடீச்வரரானயதுநாதமல்லீக் ,  ராணிராஸமணியின் மருமகனான மதுரபாபு இப்படியாகப் பலரும் பரமஹம்ஸரைப் பார்த்து அளவளாவ வந்து போய்க் கொண்டிருந்தனர் .  இவர்களுடன் பரமஹம்ஸர் முழுவிவகார ஞானத்துடன் பேசுவதை முதல் தடவையாகப் பார்ப்பவர்கள் அவர் உலகை நிராகரித்தவர் என்று சொன்னால் அதிசயப்படுவார்கள் . அவரவர் - யதுநாத மல்லிக்கிலிருந்து தோட்டி குஞ்சன் வரை -  அவரவர் தங்கள் கஷ்டங்களைச் சொல்லி , அவருடைய திருஷ்டாந்தக் கதைகள் மூலம் சாந்தி பெற்றுப் போவார்கள் . அவர்கள் எப்பொழுது போவார்கள் வருவார்கள் என்பதும் நிச்சயமில்லை .

நீலக்குதிரைகள் - மேரி ஆலிவர்

நான்கு நீலக்குதிரைகள் ஓவியத்துக்குள் நுழைகிறேன் அது சாத்தியமாவதில் எனக்கு ஆச்சரியம் கூட இல்லை. நான்கில் ஒரு குதிரை என்னை நோக்கி நடந்துவருகிறது. அதன் நீல மூக்கு என்னிடம் லேசாக நீள்கிறது. நான் எனது கையை அதன் நீலப்பிடறியில் இட்டு கட்டிக் கொள்கிறேன். என் புளகிதத்தை அது அனுமதிக்கிறது. ஓவியன் ப்ரான்ஸ் மர்க் மூளையில் வெடிகுண்டின் உலோகத்துண்டு தாக்கி இறந்துபோனான். போரென்றால் என்னவென்று அந்த நீலக்குதிரைகளுக்கு விளக்குவதை விட நான் இறந்தே விடலாம். அவை பீதியில் மயக்கம் போட்டு விழுந்துவிடும் அல்லது அதை அவற்றால் நம்பவே முடியாது. ப்ரான்ஸ் மர்க் உனக்கு எப்படி நன்றி சொல்வது. நமது உலகம் காலப்போக்கில் கூடுதலாக அன்பானதாக ஆகலாம். அழகான ஒன்றை ஆக்கும் வேட்கை நம் எல்லாருக்குள்ளும் இருக்கும் கடவுளின் ஒரு சிறு துண்டாக இருக்கலாம். இப்போது அந்த நான்கு குதிரைகளும் நெருக்கமாக வந்து ரகசியங்கள் சொல்ல இருப்பதைப் போல என்னை நோக்கி தங்கள் தலையைத் தாழ்த்துகின்றன அவை பேசவேண்டுமென்று நான் எதிர்பார்க்கவில்லை அவை பேசவும் செய்யாது. என்ன சொல்லக் கூடும் அவை இத்தனை அழகாக