கொடும் பருவநிலை - சார்லஸ் சிமிக்

மூளை அது

கபாலத்துக்குள்ளே

சில்லென்று உள்ளது:

என்கிறார்

ஆல்பெர்டஸ் மேக்னஸ்.

 

பிரபஞ்சத்தின் நெடும்பரப்பில்

ஒரு தூந்திரப் பரப்பு போல்.

 

நட்சத்திரப் புயல்.

பிரமாண்ட பனிப்பாறைகள் தொலைவில்.

துருவப்பகுதியில் இரவு.

 

பனியில் மாட்டிக்கொண்ட

ஒரு பெரும்கப்பல்.

அதன் மேல்தளத்தில் இன்னும்

சில விளக்குகள் எரிந்துகொண்டிருக்கின்றன.

அமைதி

மற்றும்

கடும்குளிர்.